Dei fleste har vel fått med seg at vi driv og feirar byen vår sitt

Dette er kjekt å vere med og få til, og no i helga er det ei ny storhending på gang som vil samle folk frå heile Sunnfjord og endå vidare, ikkje minst ungdom. Då går den store Fylkesmessa av stabelen, kanskje den største messa som nokon gong har vore i fylket. Då skal næringslivet presentere seg over ei vidt spekter på over 100 standar på laurdag og søndag.

Men noko av det mest spennande skjer på fredagen. Eg hadde ein ide heilt frå vi starta planlegginga at det å få til eit møte mellom ungdom med framtidstankar og entreprenøridear og det etablerte næringslivet, kunne slå gneistar og skape idear til nyutvikling. Sjølve møtet har vi fått til: ungdommar i 9.klasse i Flora, Naustdal og Førde har jobba med ideutvikling og entreprenøridear, godt hjelpte av fagfolka i Ungt Entreprenørskap (NHO), og desse skal dei presentere på messa og få tilbakemeldinga frå proffe næringslivsfolk på. I tillegg stiller nokre elevbedrifter frå Sunnfjord ut sine bedrifter. Så får vi sjå om det blir gneistar av dette møtet! Framtidsfylket er òg med på dette og ser på messa som ei rekrutteringsmesse. Det høyrer med ungdomssatsinga at det om kvelden er konsert med Lars Vaular og John Olav Nilsen & Gjengen på torget! Tøff satsing, syns eg, og når vi har gromgutane Per Øyvind Helle og Roy Austbø til å dra lasset, så må det gå det bra. Dei har FotballFlora som sitt neste prosjekt i sommar!

Og i resten av helga trur vi at folket frå heile regionen vil strøyme til for å presentert bil & båt, møblar & interiør, sko & klede, hus & hytte, it & mobil, lokal mat bøker, reiseliv & oppleving, maritimt & næringsmiddel, finans & forsikring, energi & industri, utdanning & offentleg… Er det nokon som har pust igjen, så nemner eg kokkekamp med Frode Aga og Stian Grimseth, Newton-show med Florø-jenta Solveig Hareide, dogwalk(!), buldring, flysimulator og mykje meir. Og kveldskonsert på laurdagen og: Tributkonsert for Knutsen og Ludvigsen, Grand Prix-telt, Håvard Lothe Band og tributegruppa AC/ZZ  frå 150-årsbyen Haugesund tonar forbi midnatt!

Sanneleg gledar eg meg til denne helga òg. Kom på besøk, då vel!

(foto: Olav Hatlemark)

I marknadsavdelinga i banken er det kjekt å jobbe. Her er rom for kreativitet, høgt under taket og vi får utvikle oss. Difor gleder vi oss til å gå på jobb.  Visjonen vår om å vere ei drivkraft for fylket og ei spesiell satsing på digitale kanalar og sosiale media i 2010,  gjer at vi kan vere mykje meir enn berre bank. Og det er kjekt!

Vi kan til dømes prioritere å vere ein aktiv medspelar på arrangement vi har saman med samarbeidspartnarane våre. Kjekt å vere saman med dei kreative ungdomane på Ungt Entreprenørskap si fylkesmesse førre veke. På Facebooksida vår ligg ein video med spontandansen under messa.

I ly av den kalde vinteren vi har hatt i år, har vi rett og slett prøvd å spre litt glede. No i mars har vi delt ut 600 små gledespakkar rundt omkring i fylket. I dag finn du dei i Sogn. Vi vil rett og slett teste kor glad du kan gjere nokon for 25 kroner.  Dersom finnarane deler opplevinga med oss på Facebook , er det kjekt, men det er ikkje målet i seg sjølv. Førre veke inviterte vi til massedans på Førde Torg.

Vi har 7.974 Facebook-tilhengarar og er kåra til ein av dei 20 ”most loved banks” i verda på Facebook fortel bloggen Visible Banking. Vi har våga å vere transparente og møte brukarane på deira premissar. Engasjement i sosiale media kostar ikkje så mykje i reine investeringar, men krev at vi engasjerer oss og følgjer med på det tilhengarane våre meiner. Den prosessen er berre kjekk – den og.

Til slutt ei lita oppmoding:  Å glede andre treng ikkje koste noko i det heile tatt.  Eit smil, ein kompliment eller ein klem er nok.  Heng deg på og gjer nokon glad, då vel!

Foto: hm.com

Denne veka er eg priviligert. Eg skal rett og slett helse på framtida! I dag startar vi på den årlege rundturen der vi besøker så og seie alle ungdomsbedriftene i fylket. I dag er vi i Songdal, i morgon i Førde og torsdag på Nordfjordeid.

Saman skal vi snakke om marknadsføring og økonomi. Kva er det eigentleg som avgjer dei vala vi tek når det gjeld produkt og merkevarer? Tek vi til ei kvar tid rasjonelle avgjerder, eller er vi i stor grad styrt av kjensler? Kvifor kjøper vi ein iPod, kvifor må vi ha nye sko – kvifor akkurat dei skoa og den akkurat den iPoden? Det vi heller ikkje skal gløyme er at iPoden og skoa på mange måtar representerer forbrukssamfunnet – og det har ei bakside. Difor skal vi også snakke om klima og etikk, element som vert viktigare og viktigare for omdømet til bedrifter i dag. Vi er sjølvsagt også innom budsjett og rekneskap men og  det kanskje mest viktige, prissetjing av eit produkt.

Det er få ting som er kjekkare for oss enn å få treffe denne gjengen som no ventar på oss. Dei er kreative, har eit enormt pågangmot og vilje til å lære. Det krev mykje av oss, men vi får minst like mykje tilbake. Eg gler meg verkeleg til denne veka!

Frå fylkesmessa til UE i Førdehuset 2008

Eg sit og koser meg med artiklar på driftig.no om Ungt Entreprenørskap denne fredags morgonen. Eg les at det nyttar, det vert fleire bedrifter, dei som er involvert syns det er kjekt og Sogn og Fjordane ligg skyhøgt over landsgjennomsnittet i antal elevbedrifter! Kor bra er ikkje det?

Å lese konklusjonen til dei som har forska på Ungt Entreprenørskap er også som musikk i øyrene på oss.

”Omlag ein fjerdedel av elevane svarer at dei ønskjer å busetje seg på heimstaden. Mellom 70 og 80 % av elevane i grunnopplæringa ønskjer å ta høgare utdanning, og om lag 15 % av elevane kan tenkje seg å etablere eiga bedrift. Om lag halvparten av desse att ønskjer å etablere bedrift i heimfylket. Det er sterke tal, og det lover godt for framtida til Sogn og Fjordane”

Drivkraft for fylket
Vi har gjennom mange år med stor glede brukt mykje tid og ressursar på Ungt Entreprenørskap. Vi har vore overbevist, og er det framleis, om at dette er noko av det viktigaste ein kan gje ungdom. Skaparkrafta ligg i oss alle, og det å få anledning til å forløyse kreativitet, ansvar og kanskje stoltheit over eige produkt i tidleg alder er ein fantastisk moglegheit for dei som er med i dette programmet.

All honnør til det arbeidet Ungt Entreprenørskap gjer i Sogn og Fjordane.  Helsing ein stolt sponsor.

Les meir om dette på bloggen til Fylkesmannen
og alle artiklane på driftig.no
http://www.driftig.no/om-ungt-entreprenoerskap/viktig-kunnskap-fraa-sogn-og-fjordane-article432-152.html
http://www.driftig.no/om-ungt-entreprenoerskap/ue-vekst-i-fylket-article437-152.html
http://www.driftig.no/om-ungt-entreprenoerskap/entreprenoerskap-i-skulen-nyttar-article431-152.html