Du har kanskje høyrt om Rolf, kulaste grisen på Facebook? Første veka kvar månad arrangerer Rolf Grisefest, der han lovar høg trynefaktor med konkurransar og anna kjekt. No er det igjen klart for Grisefest, og Rolf feirar med å lansere Billettluka.

Du finn Billettluka under ei eiga fane her på bloggen. Her vil vi jamleg legge ut billettar til kultur- og idrettsarrangement som du kan melde deg på, og vere med i trekninga om. Sparebanken Sogn og Fjordane støttar mykje spennande rundt i fylket vårt og Bergen, med Billettluka vil vi vise mangfaldet som fins her.

Sidan det er Grisefest, har vi no eit ekstra spennande utval av billettar. Her kan du vinne billettar til fleire av konsertane på Balejazz, kino i Bergen, Sommarfesten i Førde, kajakkurs i Bulandet og Green Granadas i Sogndal.

Gå til Billettluka

Skisse: Torstein Kvenås

Hallvard Husefest Lunde lanserte i vår ein idé om å gjere om den gamle vasstanken i Likkjeåsen i Florø til eit utkikkstårn til bruk for kunst og kultur.  Vi meinte dette var ein ganske god idé, men fann fort ut at skulle vi vere med på dette ville heile gåvepotten til avdelinga i Florø gå med. Vi fann difor ut at vi rett og slett skulle spørje kundane våre om kva vi skulle gjere.

Vi kontakta avisa Firdaposten og dei oppretta ei avstemming på nettsidene sine. I tillegg gav vi kundane våre moglegheit til å gje tilbakemelding på ssf.no via SMS. Begge stadar kunne ein grunngje svaret om ein ville. (Dette var før vi hadde eigen blogg og moglegheit til å gjere slitk sjølve)

Vi stilte óg spørsmål om ulike lag og organisasjonar var villige til, dette eine året, å avstå frå gåvetildeling slik at midlane kunne gå inn i tårnet.

Vi fekk svar
Avstemminga utløyste stort engasjement. 2231 personar gav si stemme på Firdaposten sine nettsider. Av desse var 51 % for og 49 % imot at banken brukte heile gåvepotten i Florø til formålet. Av dei som svarte på banken sine nettsider, var 103 personar for og 4 personar imot.

Det vart oppretta ei Facebook-gruppe til støtte for tårnet. Denne har 676 medlemer.

Vi kjem ikkje til å gje heile gåvepotten til Likkjeåsen
Vi har tatt med alle desse tilbakemeldingane i vurderinga om utkikkstårnet i Likkjeåsen skulle bli det store gåveprosjektet for banken i året der Florø by fyller 150 år.

Basert på stemmetalet, engasjementet og tilbakemeldingane vi har fått, kjem vi ikkje til å gje støtte til dette prosjektet i denne omgong. Vi fekk klare tilbakemeldingar frå ulike lag og organisasjonar at det er viktig med dei årlege gåvekronene til drift av laga, sjølv om nokre óg meinte dei kunne greie seg utan dette året.Vi vil som før vere opptatt av å støtte dei mange laga og organisasjonane som søkjer om støtte.

Blir det søkt om støtte til tårnet, vil søknaden verte vurdert i konkurranse med alle andre søknader som kjem inn til den ordinære, årlege gåvetildelinga.

Sak i Firdaposten i dag

Furore tyder å vekke oppsikt, skape begeistring og stormande jubel. Sogn og Fjordane har mange, unge talent som gjer Furore. At vi kan fostre nye verdstjerner som vi kan vere stolte av og sjå opp til, det trur vi, det ønskjer vi og det satsar vi på.

Fem av dei vi trur kan gjere Furore både i fylket, men og nasjonalt og internasjonalt, og som vi i år har valt å satse på er desse.

Du kan hjelpe ein av dei til å få 10 000 kroner ekstra. Stem på din kandidat via SMS fram til 1. oktober kl 1200.

Møbeldesignaren Gunnar Berstad –SSF 1 til 2077

Gunnar kombinerer jobb i Miljøservice med møbeldesign. Han utviklar og teiknar mellom anna bord, lamper og stolar – og blir lagt merke til i utlandet. Gunnar er 25 år og kjem frå Stryn

Kastaren Trude Raad –  SSF 2 til 2077

Trude kastar tunge ting langt. Diskos, kule og ikkje minst slegge. Ho har NM medaljar,  verdsrekord og fleire VM og OL gull for døve. Ho vil til OL i 2012 – og vi håper ho kjem seg dit. Trude er 19 år og kjem frå Gloppen.

Kledesignaren Tuva Listau – SSF 3 til 2077

Tuva teiknar og syr. Ho lagar klede for catwalken, og har vunne fleire prisar fordi ho er svært flink til akkurat det. Tuva drøymer kun om sying – og vi støtter ho i den draumen. Tuva er 24 år og kjem frå Førde.

Forfattaren Robert Reed Flatjord –  SSF 4 til 2077

Robert skriv bøker. Han har gjeve ut ei, ”Edward Nansen” i 2007, og jobbar no med ei til. Robert har fått mykje skryt for den første boka si – og vi trur den andre vert like god. Robert er 26 år og kjem frå Gloppen.

Løftaren Vebjørn Varlid – SSF 5 til 2077

Vebjørn løftar tungt. Tyngre enn oss alle. Han har gode resultat både her heime, men og i norden og europa. Han vil ta gull i OL i 2012 – og vi håper han greier det. Vebjørn er 19 år og kjem frå Førde.

Send ein SMS til 2077, kodeord SSF og  talet på din kandidat. Tenesta kostar vanleg SMS-takst.