Like etter at eg vart tildelt Furorestipendet, gjennomførte eg og medstudent/kollega Henning R. Nielsen eit samarbeidsprosjekt. Der jobba vi med lyntog for Noreg og prosjektet fekk namnet “Aurora”. Det var konseptorientert og hadde fokus på merkevarebygging i relasjon til industridesign. Resultatet viste ein visjon og strategi for korleis vi meinte eit framtidig lyntog for Noreg kunne opplevast og skilje seg frå lokale og internasjonale aktørar.

“Aurora“

I januar tok eg til på diplomoppgåva; den semesterlange oppgåva som avsluttar industridesignstudiet ved Arkitektur- og Designhøgskolen i Oslo. Her jobba eg med sikkerheitsprodukt, og prosjektet hadde ein meir teoretisk og metodisk vinkling enn dei tidlegare arbeida. Prosjektet enda opp i eit Case studie og ein personleg sikkerheitsteneste kalla ”Circle of Trust”.

“Circle of Trust“

Etter å ha levert frå meg sistnemnde prosjekt til evaluering, går dagane no med til å finpusse på porteføljen som skal brukast til å søke jobb med, i tillegg til å førebu fleire utstillingar. Først ut er avgangsutstillinga ved AHO, der diplomprosjekta skal stillast ut og eksponerast til designbransjen. Rett etter denne er ferdig,  reiser eg til Førde og Kunstnarsenteret, der eg og klesdesignar Tuva Listau (som også mottok Furorestipend i fjor) skal ha utstillinga ”Ung Design”. Denne utstillinga viser eit utval av prosjekt vi har gjennomført i våre studium, og opnar den 24. juni.

Eit av mine tidlegare prosjekt, armprotesa Immaculate, har blitt trekt ut til å stille ut ved ”Biennale internationale Design 2010 Saint-Étienne”, ei internasjonal designmesse hovudsakleg for industrien som skal vere i Frankrike i haust; så her er også førebuingane i gang. Immaculate er eit prosjekt som har fått mykje merksemd i både lokale og internasjonale media, men den har ikkje blitt plukka opp av sentrale aktørar i industrien, så eg ser fram til å vise den fram i eit slikt forum.

“Immaculate“

Furorestipendet tillet meg å fokusere hundre prosent på det som eg brenn for, og det er ein unik sjanse når ein er i startgropa av ei karriere. Mi oppmoding er difor klar; søk Furore 2010!

Her finn du meir informasjon om Furorestipend 2010 :-)

Foto: Vegard Fimland

Vinnaren av 100.000 på årets FURORE utdeling heiter Madelene Berg, er fiolinist og kjem frå Nordfjordeid. Ho peika seg raskt ut som vinnar, og har utvilsamt evner langt utover det vanlege.

Madelene blir rekna som eit av dei største fiolintalenta i Norge, og får svært god omtale frå mange av dei mest sentrale aktørane innanfor den klassiske musikken i Norge. I tillegg har ho fått plass på eit annerkjent akademi i Storbritannia, der ho no studerer.

Ho byrja allereie som seksåring å forme talentet sitt, og har jobba målbevisst gjennom heile sitt unge liv for å kome dit ho er i dag. Dette viser ho gjennom eit imponerande utdanningsløp.

Madelene blir rekna som eit av dei største fiolintalenta i Norge, og får svært god omtale frå mange av dei mest sentrale aktørane innanfor den klassiske musikken i Norge. I tillegg har ho fått plass på eit annerkjent akademi i Storbritannia, der ho no studerer.

Mottakarar av 50 000 kroner. Tarjei Bø, Jonas Pedersen Øren og Hans Alexander Huseklepp

Vinnarane av FURORE stipenda på 50 000,- er Hans Alexander Huseklepp, Jonas Pedersen Øren og Tarjei Bø

Open Klasse – Hans Alexander Huseklepp frå Førde

Vinnaren av 50 000 kroner i open klasse har idèar mange andre ikkje har. Han er både målretta og kreativ på same tid og evner å sjå både det estetiske og det forretningsmessige i det han gjer. Han driv med høgteknologisk industridesign og har vunne prisar og fått mykje omtale av prosjekta sine.

Han leverer ein av dei beste søknadane, og det er tydeleg at han brenn for å oppnå draumen sin. Samstundes set han seg høge, men realistiske mål for kva han vil. Han har både gründerånd og eit ønskje om å gjere det stort. Vi er overtydde om at han kjem til å lukkast. Noko av det han vil satse vidare på, er den mykje omtala armprotesa Imacculate.

Kultur – Jonas Pedersen Øren frå Høyanger

Vinnaren av 50 000 kroner i klassen for kultur leverer ein ambisiøs og svært målretta søknad. Han har klare mål og ønskjer for framtida, og ofrer mykje for å nå desse. Han er dansar på høgt internasjonalt nivå, og får dei beste skussmål frå annerkjent hald.

Han drøymer både om New York City og å spreie dans og scenekunst her i fylket. Han har mellom anna vore sentral i Dans Uten Grenser, og delt sine kunnskaper på den måten. Jonas har nettopp starta på Kunsthøgskulen i Oslo. Han er ein av sju elevar, og ein av to gutar, som har blitt teke opp til linja for klassisk ballett.

Idrett – Tarjei Bø frå Stryn

Vinnaren av 50 000 i klassen for idrett er ein av verdas beste juniorar i si grein. Han har prestert på juniornivå i ein idrett som er vanskeleg å hevde seg i. Nivået i Norge innanfor denne idretten er på topp i verda.

Det er ingenting i vegen med ambisjonsnivået heller. “VM-gull og OL-gull” står det å lese i søknaden. Ola Lunde har sagt: “Han er nok eit større talent enn det Ole Einar Bjørndalen var i si tid. No er det viktig at han klarer å forvalte dette talentet og utvikle seg vidare”

Saman med kunderådgjevar Cecilie Øvrebotten skal eg leie arrangementet i Trivselshagen på Sandane i morgon kveld. Etter ein lang dag sit vi no og ser på  lys- og lydprøva til opningssermonien.

Sermoni er ikkje ein overdrivelse. Vi kjenner frysningane breie seg på ryggen.

Vi starta dagen i Førde og tok av mot Sandane kl 09.30. Med bilen full i klede, datamaskiner, kamera, kablar og anna mikk makk vi kunne få bruk for. Stemninga var litt småtressa og uroleg. Men vi gleda oss. Enormt. Gjennom Våtedalen hang skodda nedover fjellsidene. Men av og til kika sola fram og smilte til oss.  Vi måtte stoppe. Drog inn den klåre lufta. Stresset var vekke.

Framme på Sandane entra vi den fantastiske salen i Trivselshagen. Med jukselappar, ymse sukkerhaldig føde og eit par sko med alvorleg høge hælar. Vi var klare…trudde vi.

Den store salen, den mørke scena, dei mange stolane. Vi kjente det frå ytterste tå til tuppen av det lengste hårstrå. Nervøsiteten bredde seg, men samtidig sa vi nærmast i kor. ”For ein herlig jobb vi har”.

Furore tyder å vekke oppsikt, skape begeistring og stormande jubel. Sogn og Fjordane har mange, unge talent som gjer Furore. At vi kan fostre nye verdstjerner som vi kan vere stolte av og sjå opp til, det trur vi, det ønskjer vi og det satsar vi på.

Fem av dei vi trur kan gjere Furore både i fylket, men og nasjonalt og internasjonalt, og som vi i år har valt å satse på er desse.

Du kan hjelpe ein av dei til å få 10 000 kroner ekstra. Stem på din kandidat via SMS fram til 1. oktober kl 1200.

Møbeldesignaren Gunnar Berstad –SSF 1 til 2077

Gunnar kombinerer jobb i Miljøservice med møbeldesign. Han utviklar og teiknar mellom anna bord, lamper og stolar – og blir lagt merke til i utlandet. Gunnar er 25 år og kjem frå Stryn

Kastaren Trude Raad –  SSF 2 til 2077

Trude kastar tunge ting langt. Diskos, kule og ikkje minst slegge. Ho har NM medaljar,  verdsrekord og fleire VM og OL gull for døve. Ho vil til OL i 2012 – og vi håper ho kjem seg dit. Trude er 19 år og kjem frå Gloppen.

Kledesignaren Tuva Listau – SSF 3 til 2077

Tuva teiknar og syr. Ho lagar klede for catwalken, og har vunne fleire prisar fordi ho er svært flink til akkurat det. Tuva drøymer kun om sying – og vi støtter ho i den draumen. Tuva er 24 år og kjem frå Førde.

Forfattaren Robert Reed Flatjord –  SSF 4 til 2077

Robert skriv bøker. Han har gjeve ut ei, ”Edward Nansen” i 2007, og jobbar no med ei til. Robert har fått mykje skryt for den første boka si – og vi trur den andre vert like god. Robert er 26 år og kjem frå Gloppen.

Løftaren Vebjørn Varlid – SSF 5 til 2077

Vebjørn løftar tungt. Tyngre enn oss alle. Han har gode resultat både her heime, men og i norden og europa. Han vil ta gull i OL i 2012 – og vi håper han greier det. Vebjørn er 19 år og kjem frå Førde.

Send ein SMS til 2077, kodeord SSF og  talet på din kandidat. Tenesta kostar vanleg SMS-takst.