”I morgon vil eg byrja på eit nytt og betre liv, trur eg” sa den folkekjære diktaren Jakob Sande frå Fjaler. I dag går vi i Sparebanken Sogn og og Fjordane helt sikkert inn i ei ny epoke. Vi fusjonerer med Fjaler Sparebank og ønskjer 19 nye kollegaer i Dale og Bergen hjarteleg velkomen!

Kanskje Jakob Sande ikkje dikta? Kanskje Gud faktisk heldt fest i Fjaler? Ein frikveld på Kobbeskjeret med ibis og pelikan, med palmer og seder der før det stod bjørk og gran. Eg må nemleg tilstå at det er noko med folket i Fjaler prestegjeld eg ikkje rett forstår. Det er eit eller anna med dei sunnfjordske og jordiske lover som ikkje gjeld rundt Dalsfjorden.