Den vinden heiter Alfred Bjørlo.

Medan diskusjonane går om kompetansearbeidsplassar og omdømme, blir det samtidig jobba jamnt og trutt for å utvikle dei miljøa vi har.  Nett no er det ledig to kjempegode og viktige jobbar i finansmiljøet i Førde.  Gjensidige Bank søkjer etter direktør for nettbanken sin, og Aud Ingrid i Fjord Invest Management søkjer etter ein kollega med leiar- og styreerfaring som også blir tilbydd partnerskap i selskapet.

Sogn og Fjordane er svært sjeldan synlege når næringslivet har kåringar om størst, fyrst eller best.  Difor gledar det meg stort at vi i BI og DN si kåring av ”årets unge leiar” finn vår eigen Hallvard Klakegg.  Profesjonelt leiarskap er sjølve grunnlaget for utvikling og vekst uavhengig av bransje.  For oss har dette hatt sterkt fokus i lang tid og det er difor ein viktig siger at vi og fylket viser igjen også i slike kåringar.

Eg sat i romjula og førebudde meg litt til å vere med i NRK Sogn og Fjordane.  Dei ville ha mi meining både om 2009, men mest om utsiktene for 2010.  Som vanleg blei det også denne gongen til at vi brukte meir tid på fortida enn på framtida.  Det slo meg at det er litt typisk for oss her i fjordfylket.  Vi har lett for å fundere meir over det som var enn å forholde oss offensivt til det som kjem.  Det er tross alt i framtida vi skal vere resten av livet.

Eg skal ikkje gjere dette til eit innlegg for eller i mot endra kommunestruktur.  Eg vil berre reise nokon problemstillingar i høve det å la alt bli med det gamle – noko som sjølvsagt alltid er det enklaste.  Det eg lurer på er korleis kommunane skal klare å tiltrekke seg dei dyktigaste fagfolka i tida framover?  Blir miljøa store nok?  Blir arbeidsoppgåvene varierte og utfordrande?  Blir behovet for fagleg utvikling tilfredstilt?

Eg les i Aftenposten og i Sogn Avis at Ynge Hallén er aktuell som fotballpresident.  Ja, eg må berre innrømme at eg blei litt overraska.  Tatt på senga!  Men kvifor det?  Det irriterar meg faktisk ikkje so lite at eg ikkje har kome på dette forslaget sjølv.  Har det med smålåtenheita vår å gjere at vi ikkje vågar heilt å tenkje desse tankane?  Dei store tankane om dei store posisjonane sidan vi er frå Sogn og Fjordane?

Mi erfaring er at storleik har noko å seie.  Ikkje minst når det gjeld kompetansemiljø.  Difor har min draum vore å utvikle Førde til å bli så stort når det gjeld bankar og beslekta verksemd, at det blir attraktivt for dei som ønskjer ei karriere innanfor dette fagområdet.  Som profesjonelle verksemder er vi heilt avhengige av å tiltrekke oss nye og kompetente medarbeidarar.

Ein særskilt gratulasjon til styreleiar Arvid Lillehauge og direktør Ole Schanke Eikum, sjølv om eg veit at det er mange andre også som har jobba med avtalen.  I spissen må det alltid vere dyktige og modige leiarar som vågar å satse.  Avtalen om kjøp av kraftselskapa i Bremanger er historisk og viktig.

Her i Sparebanken Sogn og Fjordane funderer vi på bank, på store tankar om korleis vi kan vere ei drivkraft for fylket vårt og kva som gjer til at dei små tinga ofte blir opplevd som viktigare enn dei store. Av og til så har vi lyst å finne på sprell. Her ser du meg og resten av banden. Har du gjort nokre sprell i det siste som du vil dele med oss?
Lag ditt eige bankkort her

Eg går rundt og smiler og kjenner meg litt stolt og glad om dagen. Visst veit eg at banklivet er tøffare enn nokon gong med eit berg av EU-reglar som skal taklast og stadig dyrare råstoff. (les pengar) Men akkurat no tenkjer eg mest på smil og helsingar eg har fått frå nokre av dei eldste kundane våre. Mange av dei har ikkje hekta seg på det elektroniske universet med pc, nettbank og betalingskort. Dei leverer giroar i banken og betaler med kontantar som fram til vår tid har vore den vanlege måten å gjere opp for seg på.